منتدى لكل ابناء منطقة حلة عمر بالسودان و الخارج


    أهواك يا حِلة عمر ,, ,,(شعر المبارك ود إبراهيم)

    شاطر

    المبارك ود إبراهيم

    المساهمات : 19
    تاريخ التسجيل : 20/08/2011

    أهواك يا حِلة عمر ,, ,,(شعر المبارك ود إبراهيم)

    مُساهمة  المبارك ود إبراهيم في السبت أغسطس 20, 2011 5:09 am


    أهواك يا حلة عمر
    ,,,,,,,,,,,,,,,,,,,,
    اللقاء كان مُر ومُؤلم
    والوداع كان الأمَر
    والدموع من الجميع
    علي الخدود حفرت حُفر
    والكتير ما قادر إودٍع
    لأنه ضاق مُر السفر
    ليه يا دهر؟؟؟
    عزفت في وتري الحزين
    ونحنا في ساعة سمر
    ردمت السنين فوق السنين
    والغربة طالت
    ونحنا لسه ما عارفين
    متين وقت السفر
    والخريف شتلاتو
    نبتت في القلوب
    وروتها زخات المطر
    وإرتوت أرض الجفاف
    وإمتلت كل الحُفر
    والفرحة عمت ياسلام
    وما مهم وقت السفر
    كان العشم كل العشم
    الأيام تطول قبل السفر
    لكن دي الظروف
    والريالات والألوف
    تركتنا فوق كف القدر
    وراكبين علي ظهر البحر
    والذكريات الحلوة بينكم
    كانت أحلي من ربيعكم
    إن شاء الله يا حلة عمر
    لا تشوفي ضايقة ولا كدر
    إنت مهرك غالي خالص
    تبري مجمر فوق حجر
    إنت يا حلة عمر
    حورية خالصة
    أهواك يا أخت القمر
    أهوي فيك كل ناسك
    كبارك وصغارك
    والشوارع والهكر
    أهواك يا السيدة البتول
    أهواك وأهوي فيك
    كل مُداح الرسول
    وأهوي فيك كل زول
    حامد شكر
    ومهما أكتب أو أقول
    أهواك يا أم الفصول
    كل أيامك ربيع
    والخريف جاب المطر
    والخريف جاب المطر.....
    ,,,,,,,,,,,,,,,,,,,,,,
    حلة عمر هي قريتي الوادعة التي تنام بجوار (ترعة مشروع المناقل) كهمزة علي السطر. لها ولوطني الكبير السودان حبي وتقديري.

    الطيب النعمة علي

    المساهمات : 6
    تاريخ التسجيل : 20/08/2011

    جزيت وكفيت

    مُساهمة  الطيب النعمة علي في السبت أغسطس 20, 2011 5:33 am

    الأخ مبارك إبرهيم
    جزال الله خير الجزاء
    وحلة عمر تستاهل أكثر


    وشنو هاجر بيتك ومهاجر لي طيبة؟

    تضارب في العواطف

    المبارك ود إبراهيم

    المساهمات : 19
    تاريخ التسجيل : 20/08/2011

    رد: أهواك يا حِلة عمر ,, ,,(شعر المبارك ود إبراهيم)

    مُساهمة  المبارك ود إبراهيم في السبت أغسطس 20, 2011 5:42 am


    لم أهجر بيتي فحلة عمر في دمي ولن أغيب عنها أبدا السياسات العقيمة وسوء التوزيع في الجامعات هو الذي أجبرنا للهجرة لتعليم أبناءنا هل تصدق المناقل بها كلية للحيوان فقط؟؟
    ولكن بإذن لله عائدون وستظل حلة عمر هي الأم الرؤوم ونحن إن شاء الله أبناء مخلصون نوفي لها بالعهود ولن نكون عاقين أبدا بعون الله.

      الوقت/التاريخ الآن هو الإثنين ديسمبر 11, 2017 5:51 pm