منتدى لكل ابناء منطقة حلة عمر بالسودان و الخارج


    وردة علي الزلط (شعر المبارك ود إبراهيم)

    شاطر

    المبارك ود إبراهيم

    المساهمات : 19
    تاريخ التسجيل : 20/08/2011

    وردة علي الزلط (شعر المبارك ود إبراهيم)

    مُساهمة  المبارك ود إبراهيم في السبت أغسطس 20, 2011 2:14 pm



    ليه يا أخي بس
    وآقف غلط ؟؟
    وردة يانعة
    ليه وآقفة
    في نص الزلظ ؟؟
    يا أخي أطلع للرصيف
    وأنا ليك حمًال الشنط
    يازول إنتبه
    شوف الطريق
    الركشة جات
    الركشة جات
    (طاخ طرخ)
    ضرب البنية الإنعبط
    جات سليمة
    وما مهم يازولة الشبط
    كل الصور
    أصبحت مقلوبة
    ليه إنت بس
    يا أخي إنت صاح
    وغلطان الزلط
    ليه يازلط
    ختوك هنا؟؟؟
    حلة عمر
    محتاجة ليك
    ليه العبط
    أمشي أرحل
    حلة عمر محتاجة ليك
    والشباب ليك ينتظر
    إنتظار لمن غلط
    من زمن الفريق
    والمشير
    وحتي نص عهد البشير
    طليت بوجهك يازلط
    مولود هزيل
    وأصبحت مجهول المصير
    زي مغترب
    فقد التذاكر والشنط
    كل الطرق إتسفلتت
    إلا بس إنت الوحيد
    القالوا تحتاج لي خبير
    زي الحوامل مصابة
    بي داء القطط
    نحنا من الخرطوم
    علي مرمي حجر
    وللأسف وقعنا
    في ظل المطر
    وشرابنا من موية المطر
    والشوارع والهكر
    وبلدنا منكوبة
    والزاد الطينة بلة
    القطن زرعوهوا لوبا
    وده الخلانا نرحل
    في سقط لقط
    حتي الجامعات
    من دون البشر
    كلية للحيوان فقط
    معليش يا مناقل
    في نظرنا
    إنت زي قرن المنازل
    عريقة من زمن الخُرط
    وإنت يا القرشي الشهيد
    مدينة من أجمل طراز
    أقمنا ليك عرس الشهيد
    ونلقاك في يوم الوعيد
    وماهم يا أخي الزلط.
    ,,,,,,,,,,,,,,,,,,,,,,
    ( ومن لم يتعلم صعود الجبال يعيش أبد الدهر بين الحٌفر)
    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

      الوقت/التاريخ الآن هو الإثنين ديسمبر 11, 2017 5:52 pm