منتدى لكل ابناء منطقة حلة عمر بالسودان و الخارج


    ياناس النمة والدوباي تعالوا بي جاي (الراكوبة بااااردة)

    شاطر

    المبارك ود إبراهيم

    المساهمات : 19
    تاريخ التسجيل : 20/08/2011

    ياناس النمة والدوباي تعالوا بي جاي (الراكوبة بااااردة)

    مُساهمة  المبارك ود إبراهيم في السبت أغسطس 20, 2011 8:13 am

    لفيت أفتش علي مكان أدوبي فيهو مالقيت كوركت أووووووووووووووووك جاني صوتي راجع ياناس تعالوا كلوا زول يجدع ليهو جدعتين تلاتة وإمشي وكف كرف كف والخوة في محلها آها أنا ببدا بسم الله.

    الريــــــــــــــــــــدة دمعة فوق خدودنا عميقة
    ودمع النفع سريف ودمـــــــعة المحنة دفيقة
    قـــــــــــمرة حجــــــــــــــانا فرقتها ما بنطيقة
    إن رحلت من حِدانا بنولع في فريقــنا حريقة .


    الريدة الصحي زي ريدة الحمــــام الفـــــــــرة
    راجع لي وليداتـــو بالمقسومــــة حلوة ومرة
    السبب الخلاني مســـاهر ونومي طار بالمرة
    من فرق الحبيب المن دمي حبر حنانو إنجرة.

    الليلة الــــــــــغرام حرك علي دولابو
    ذكرني الحبـــــيب الفاق جميع أترابو
    سائل الله الكريم وواقف دوام في بابو
    يلمني في الحبيب الفي الصدر نشابو.

    ياســــــــــــمحة إسمك مين
    أبوك قال ليكي عدي من سبعة لي سبعين
    جننتينا وأصـــلوا ما نافعين
    أوعي تدنقري وتملي المســــــــــاير طين.

      الوقت/التاريخ الآن هو الإثنين ديسمبر 11, 2017 5:51 pm